Hurrengo Ekainean Porrots eta Marimotots gure artean izango dira. Jakingo duzuenez beraiek argitaratutako azken liburua doluari buruz hitzegiten du. Azken egunetan Amassorrain Ikastolak, Añorgako Kultur eta Kirol Elkarteak eta Joxe Marirekin (Porrotx) dolua lantzeko proiektu bat osatu dugu, eta ikastolan datorren astean jarriko dugu martxan. Astean zehar ikasleekin ziklo bakoitzean dolua modu desberdinetan landuko da (artea, bizitzaren zikloa, olerki, bertso, musika, historia… bidez) sentitzen ditugun emozioak azaleratzeko erak edo moduak hausnartu ahal izateko. Zikloetan sortzen den materiala goiko terrazan jarriko dugu erakusketa moduan, batzuk besteen lanak ikusi eta horiek aztertu ahal izateko.
Ostiralean, Estherren omenez agurra egingo dugu Joxe Marik (Porrotxek) oparituko digun “arimen zuhaitza”ren inguruan dantzatuz, eta zuhaitza Inaxioren laguntzaz Natura Parkean landatuz.
Ekainaren 4 ostiralean Emanaldia Añorgako Antxon Aiestaran Kultur etxean izango dugu.
Sarrera hartzeko esteka hauxe duzue:
https://entradium.com/events/porrotx-eta-marimotots-anorgan
SARRERAK AGORTUTA
Egunotan mezu hau jaso dugu:
Kaixo Estherren senide, lagun, lankide eta ikasle zaretenak!
Ederrak izan dira Estherrekin partekatu ditugun abentura eta bizipen gozo eta alaiak!
Esther gure irri, kantu, dantza, muxu eta amets bakoitzean eramango dugu beti, bai horixe!
Sudurgorrion muxubesarkadak denontzat!
Sentitu, pentsatu, ekin…
beti elkarrekin!
Pirritx, Porrotx eta Marimotots pailazoak.