Añorga KKE-aren mendeurren honetan balioan jarri nahi ditugu kultur eta kirol jarduerez gain añorgatarron bizitzan oso presente izan diren beste zenbait elementu eta balio ere. Lurra eta natura gure historiaren, gure orainaren eta gure etorkizunaren parte direlako, plazara ekarriko ditugu SAGARRA eta SAGARDOA! 100 urtean Añorgako baserri eta etxeetan, ospakizunetan… oso garrantzitsu izan dugu eta urriaren 2an Añorgako sagastiak ezagutzeaz gain, sagarra bildu, puskatu, jo eta ZUKUA egingo dugu.